Maandag 22 September 2014

'n Uitdaging






My vriendin het oor die naweek ‘n uitdaging aan my gestel, al brommend en grommend het ek dit aanvaar en besluit dat die enigste manier wat ek dit gedoen gaan kry is as ek vroeër opstaan en dit doen voor die res van die mense in my huis wakker word.


Ek stel die wekker en gaan slaap, maar rol die hele nag rond. Vanoggend toe die wekker af gaan voel dit asof ek nog skaars geslaap het, ek druk die wekker dood en rol om, vas oortuig dat ek dit verdien om eerder nog ‘n bietjie te slaap, wie sal nou weet? Dis nie asof ek my plan met enige iemand anders gedeel het nie, solank ek net die dinge gedoen kry voor die einde van die dag!


Natuurlik pla my gewete my en ek staan saggies op. In die stilte van die huis doen ek my uitdaging vir die dag en hark sommer my Bybel stukkie vir die dag ook nader. Daar is iets so spesiaal daaraan om eers aandag aan myself te gee. As ‘n mamma word jy altyd vertel dat jy tyd moet vat vir jouself, of ‘me time’ soos die Engelse dit stel. 


Maar hier is iets wat ek vir ‘n feit weet: As ek oorweldig voel en dit op my man en kinders begin uithaal kan ek maar net gaan kyk na my roetiene, as ek al prentjies kan teken in die stof op my Bybel dan weet ek waar hierdie gevoel vandaan kom. 


Psalm 62: 2 Net by God vind ek rus, van Hom kom my redding.


Dis so maklik om dit te vergeet en dan rond te hardloop opsoek na rus in wêreld se dinge, glo my, ek was al by die haarsalon, vir ‘n “mani en pedi”, op ‘n inkopie veldtog en elke keer laat dit my leeg, platsak en onvervuld of ek voel beter vir ‘n klein tydjie en dan maar weer die volgende ding probeer.


Daar is net een plek waar ons elke keer dieselfde verkwikking vind, tog is dit die maklikste om verskonings te vind vir hoekom daar nie nou tyd is nie, dit heel onder aan ons prioriteitslys te sit, dan maar terug staan en kyk hoe ons lewe ‘n gejaag na wind is en wonder hoekom dit so is.


So hiermee, ‘n uitdaging van my eie: Ek daag elkeen van julle uit om vandag en vir die res van hierdie week God eerste, daar waar Hy hoort, te plaas op julle prioriteitslys.

xxxM

Maandag 01 September 2014

Lente Dag 1 September 2014








Gelukkige Lente Dag!

Vanoggend toe ek regop sit in die bed en die dagstukkie vir vandag lees, vang my oog die opkoms van die son. Die eerste sonsopkoms van die lente, gaan dit deur my gedagtes, ‘n vernuwing, ‘n nuwe dag, ‘n weer-begin.

Ek spring uit die bed met nuwe moed, reg om al die dinge van die dag aan te pak. Ek gooi die vensters oop, want vars lug is wat ons nodig het, sjoe maar die windjie het ‘n effens byt in hom! Seker nog die sneeu van verlede week wat op die bergtoppe lê, maar ek is vasbeslote om die meeste van hierdie lente dag te maak.

Dan val dit my by; elke dag is ‘n nuwe dag. Elke oggend as ons weer ons oë oopmaak is dit nóg ‘n geleentheid om weer te probeer, beter te wees as wie en wat ons gister was.

Maar daar is net een manier om dit te doen. Ons moet meer bid, meer Bybel lees en bereid wees om te gaan waar die Here ons lei, selfs al is dit die kronkelpad wat bitter min ander mense op is.

Romeine 12:2 “Julle moenie aan hierdie sondige wêreld gelyk word nie, maar laat God julle verander deur julle denke te vernuwe.”

Soos elke lente die wêreld rondom ons weer verfraai met blomme en nuwe groei aan die bome, is my hoop vir elkeen van julle vandag ‘n vernuwing binne julself.

Laat ons alles wat ons vandag aanpak tot eer van God doen. 1 Korintiërs 10:31 “Of julle eet en of julle drink of wat julle ook al doen, doen alles tot eer van God.”

Moenie vergeet om vandag te bid nie, want God het nie vergeet om jou vanoggend wakker te maak nie!

xxM

Dinsdag 05 Augustus 2014

Bybelklub Pakkette

Vir die res van Augustus hou ons 'n uitverkoping op Bybelklub se volledige Pakket. Dis slegs R150 vir die volledige pakket waar dit gewoonlik R200 is.

Al die pakkette is aanlyn beskikbaar so daar is geen wagtydperk nie, jy kan dit vandag nog op jou rekenaar hê. As jy belangstel kontak my by info@bybelklub.co.za

Indien jy bietjie meer wil weet oor hierdie pakkette volg hierdie skakel waar die informasie vir elke pakket uiteengesit word.

Soos altyd is ons gratis storie Jona en die vis hier beskikbaar

Woensdag 30 Julie 2014

Julie Uitdaging - Dag 31




Donderdag, ons LAASTE DAG!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 31: Herinneringe!

Dis ons laaste dag saam en ek wil elkeen bedank wat saam hierdie uitdaging gedoen het!

Vandag gaan ons ietsie doen met al daardie foto’s wat julle geneem het van sommige van die opdragte en dit is:

Gaan julle foto’s deur van die afgelope 31 dae saam met jou kinders en laat hulle elkeen besluit wat hul gunsteling doen ding was, of watter van die aktiwiteite hulle graag weer of meer gereeld wil doen, maak dan ‘n plan met jou dagboek in die hand, skryf ‘n datum neer waarop julle sekere dinge weer gaan doen en hou daarby!

Dan, om die einde van die 31 dae Uitdaging te vier is daar nog ‘n kompetisie! CUM Boeke het ‘n boeke geskenk pakkie vir mamma (of pappa) geskenk in beide Engels en Afrikaans. Gaan na ons Facebook bladsy, daar sal ‘n inskrywing wees waar jy moet gaan deel watter aktiwiteit vir julle die heel lekkerste was. Die kompetisie begin 31 Julie en eindig Sondag aand die 3de Augustus om 22:00. As jy inskryf op die Afrikaanse Facebook blad staan jy ‘n kans om die Afrikaanse boek prys te wen en ‘n Engelse een op die Engelse Facebook blad! So maklik soos dit, gaan neem dadelik deel!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Dinsdag 29 Julie 2014

Julie Uitdaging - Dag 30




Woensdag, tweede laaste dag!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 30: Vertel ‘n storie!

Vandag gaan ons vir elkeen van ons kinders ‘n storie vertel, maar nie net sommer enige storie nie. Jy gaan vir jou kind die storie van sy of haar geboorte vertel.

Nou nie die details en definitief nie die “pyn en lyding” in oortreffende trap nie, maar die emosies, die afwagting van swanger wees, die bekommernis en opwinding en dan van die dag, die gesiggie, die kleine handjies en voetjies, die dankbaarheid, die liefde.

As jy foto albums het, gaan dit met elkeen deur, vertel die storie agter van die foto’s. As jy soos ons nog net nie tyd gekry het om ‘n album te maak nie (ai, nou is dalk ‘n goeie tyd om so ‘n projek aan te pak!) gaan dan deur die foto’s op die rekenaar, maar vermy goed soos “toe was jy nog oulik/soet/gehoorsaam” Hou dit lig en positief!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Maandag 28 Julie 2014

Julie Uitdaging - Dag 29




Dinsdag, nog net 2 dae oor!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 29: Leer ‘n nuwe vaardigheid!

Vandag gaan jy jou kind, of kinders ‘n nuwe vaardigheid leer en jy sal weet wat dit is!

Van die peuter wat wil leer om self knopies vas te maak of die kind wat moet leer om veters vas te maak, ons elkeen het een van daardie vaardighede wat ons lewe makliker sal maak as ons net ‘n slag daarby sal uitkom om dit vir ons kinders te wys en te help leer.

As jy ouer kinders het, leer hulle hoe om hulself in die kombuis te red, pappa kan hulle leer boor of mamma kan hulle leer brei. Jy sal weet wat jy kind die graagste wil leer! Vat die tyd vanaand om dit te doen, dis ‘n baie spesiale tyd. Ek kan tot vandag toe onthou hoe ek en my ma langs mekaar op die bank gesit en sy my leer borduur het!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx