Woensdag 30 Julie 2014

Julie Uitdaging - Dag 31




Donderdag, ons LAASTE DAG!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 31: Herinneringe!

Dis ons laaste dag saam en ek wil elkeen bedank wat saam hierdie uitdaging gedoen het!

Vandag gaan ons ietsie doen met al daardie foto’s wat julle geneem het van sommige van die opdragte en dit is:

Gaan julle foto’s deur van die afgelope 31 dae saam met jou kinders en laat hulle elkeen besluit wat hul gunsteling doen ding was, of watter van die aktiwiteite hulle graag weer of meer gereeld wil doen, maak dan ‘n plan met jou dagboek in die hand, skryf ‘n datum neer waarop julle sekere dinge weer gaan doen en hou daarby!

Dan, om die einde van die 31 dae Uitdaging te vier is daar nog ‘n kompetisie! CUM Boeke het ‘n boeke geskenk pakkie vir mamma (of pappa) geskenk in beide Engels en Afrikaans. Gaan na ons Facebook bladsy, daar sal ‘n inskrywing wees waar jy moet gaan deel watter aktiwiteit vir julle die heel lekkerste was. Die kompetisie begin 31 Julie en eindig Sondag aand die 3de Augustus om 22:00. As jy inskryf op die Afrikaanse Facebook blad staan jy ‘n kans om die Afrikaanse boek prys te wen en ‘n Engelse een op die Engelse Facebook blad! So maklik soos dit, gaan neem dadelik deel!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Dinsdag 29 Julie 2014

Julie Uitdaging - Dag 30




Woensdag, tweede laaste dag!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 30: Vertel ‘n storie!

Vandag gaan ons vir elkeen van ons kinders ‘n storie vertel, maar nie net sommer enige storie nie. Jy gaan vir jou kind die storie van sy of haar geboorte vertel.

Nou nie die details en definitief nie die “pyn en lyding” in oortreffende trap nie, maar die emosies, die afwagting van swanger wees, die bekommernis en opwinding en dan van die dag, die gesiggie, die kleine handjies en voetjies, die dankbaarheid, die liefde.

As jy foto albums het, gaan dit met elkeen deur, vertel die storie agter van die foto’s. As jy soos ons nog net nie tyd gekry het om ‘n album te maak nie (ai, nou is dalk ‘n goeie tyd om so ‘n projek aan te pak!) gaan dan deur die foto’s op die rekenaar, maar vermy goed soos “toe was jy nog oulik/soet/gehoorsaam” Hou dit lig en positief!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Maandag 28 Julie 2014

Julie Uitdaging - Dag 29




Dinsdag, nog net 2 dae oor!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 29: Leer ‘n nuwe vaardigheid!

Vandag gaan jy jou kind, of kinders ‘n nuwe vaardigheid leer en jy sal weet wat dit is!

Van die peuter wat wil leer om self knopies vas te maak of die kind wat moet leer om veters vas te maak, ons elkeen het een van daardie vaardighede wat ons lewe makliker sal maak as ons net ‘n slag daarby sal uitkom om dit vir ons kinders te wys en te help leer.

As jy ouer kinders het, leer hulle hoe om hulself in die kombuis te red, pappa kan hulle leer boor of mamma kan hulle leer brei. Jy sal weet wat jy kind die graagste wil leer! Vat die tyd vanaand om dit te doen, dis ‘n baie spesiale tyd. Ek kan tot vandag toe onthou hoe ek en my ma langs mekaar op die bank gesit en sy my leer borduur het!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Sondag 27 Julie 2014

Julie Uitdaging - Dag 28




Ons laaste Maandag!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 28: Komplimente dag!

Dis Maandag en dit beteken gewoonlik dat ons iets snaaks en onverwags doen en jy kan nogsteeds. Doen iets onverwags en snaaks net om ontslae te raak van daardie blou Maandag gevoel, maar vandag moet jy nog iets doen.

Vandag mag jy niks negatiefs sê oor jou kinders teenoor hulle nie, want as kind het ons geleer dat as jy nie iets mooi oor iemand te sê het nie moet jy liewer stilbly, maar soms dink ons dat dit nie van toepassing is wanneer ons met ons eie kinders praat nie.

Nie net mag jy niks negatief sê nie, maar jy moet dit omdraai in iets positiefs of ‘n kompliment, so in plaas daarvan dat jy sê “Bly net stil!” moet jy iets sê soos “Jy hou daarvan om te praat! En jy vertel die interessantste stories!”

Dis belangrik om nie vasgevang te word in ‘n negatiewe groef nie, ek ken veels te veel ouers wat net glad nie aan iets mooi of positief kan dink om te sê oor die kinders wat hulle eie vlees en bloed is. Daar is iets spesiaals aan elkeen van ons en ons as ouers moet die persoon wees wat ons kinders daaraan herinner, gereeld!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Saterdag 26 Julie 2014

Julie Uitdaging - Dag 27




Sondag, laaste kans om daardie inskrywings vir die kompetisie in te kry en dit was die laaste naweek van ons uitdaging!

As jy deelgeneem het in meeste van die Uitdaging wil ek graag van jou hoor, ek wil graag ‘n paar blog inskrywings maak wat geskryf is deur mamma (of pappas) wat hulle ervaring van die uitdaging met ons deel. As jy graag een van hierdie blog inskrywings wil skryf en ‘n paar fotos deel laat weet my gerus via epos!

Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Opdrag vir Dag 27: Maak iets!

Ek is nie die mees kreatiefse person wat ek ken nie. Ek kry my inspirasie van Pinterest af of een van die 10 boeke wat hier in ons huis rondlê vol idees en patrone.

Of jy nou kreatief is of nie, soms is dit belangrik vir ons kinders om ons te sien probeer en om te sien dat ons onself kan uitdaag en kan deur druk.

Een dag nie te lank gelede nie het ek twee uile uit vilt gemaak net omdat ek seker was dat ek dit nie sal kan doen nie, wat ons oudste geinspireer het om self die naald en gare op te tel en self die naaimasjien te probeer aanvat.

So vandag, of jy nou gebruik maak van een van daardie doen dit self ‘craft’ items en of julle iets gaan soek aanlyn of in ‘n boek, maak iets, daag jouself uit en sien dit deur!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx