Sondag 13 Julie 2014

Julie Uitdaging - Dag 14



Maandag, waar is die naweek heen?! 

Moenie bekommerd wees as jy uitgemis en nou eers by ons aansluit nie, val net in!
Onthou om aan te hou glimlag, gee ‘n drukkie en vertel iewers deur die dag vir jou kinders dat jy lief is vir hulle en luister!

Vandag gaan ons net ietsie lekkers saam doen. 

Opdrag vir Dag 14: Onderstebo! 

Verlede Maandag het ek julle vertel dat Maandae altyd ‘n bietjie mal en dol is en hier by ons, teen die tyd wat die aand nader kom is ons geduld maar bietjie kort met mekaar. Verlede week het ons gedans om van daardie blou Maandag gevoel ontslae te raak, maar vandag is Maandag Onderstebo.

Ek moet krediet gee vir vandag se idee aan ‘n vriendin by wie ek dit leen. Voor jy vra, ons gaan dit doen net om bietjie laf te wees, so moenie teveel daaroor na dink nie, soos die Engelse sê “Just do it!” kondig dit aan vir jou kinders en kyk wat gebeur.

Onderstebo dag, ons gaan agteruit loop, ons gaan ons poeding eet voor aandete, ons gaan bad voor aandete (of as julle gewoonlik voor die tyd bad, bad nou na die tyd) ons eet ons aandete onder die tafel, dra ons klere agterstevoor – geniet dit net!

PS: Onthou om in te skryf vir die kompetisie hier as jy nog nie het nie!

xxx

Ek is mal daaroor om van julle te hoor, los 'n boodskap of stuur 'n epos (info@bybelklub.co.za) en vertel my hoe maklik of moeilik vandag se uitdaging vir jou was!

xxx

Geen opmerkings nie:

Plaas 'n opmerking

Ons is mal daaroor om julle idees oor artikels te lees!