Dinsdag 01 Julie 2014

Julie Uitdaging - Dag 2

Gister het feedburner op die Afrikaanse blog my eindelose kopsere besorg. Ek vra omverskoning as enige iemand uitgemis het, gelukkig is die eerste paar dae rustig en kan jy nog lekker aansluit. Ek hoop van harte dat enige probleme nou uitgesorteer is




Dis Woensdag en dit beteken dis klein Saterdag! 

Moenie bekommerd wees as jy uitgemis en nou eers by ons aansluit nie, val net in!

Ons dra ons opdrag van gister oor na vandag, so onthou om te glimlag vandag.

Opdrag vir Dag 2: Dis DRUKKIE dag

As jy al ooit Gary Chapman se boek “5 tale van die liefde” gelees het sal jy weet dat aanraking sommige mense se liefdes taal is. Dis nie ek nie! Van die begin van my kinders se lewe af het ek dit ‘n deel gemaak van ons elke dag omdat ek besef het hoe belangrik dit is.

Deur die dag as die gedagte my tref roep ek ons oudste nader sonder om te vertel hoekom en gee haar ‘n stywe drukkie, dis moeilik op dae wat ons in miljoene rigtings getrek word en die gedrag nou nie wat wonders was nie, maar daardie drukkie beteken meer vir ons altwee as wat ek in duisend woorde kan beskryf.

So vandag, maak nie saak wat tien minute terug gebeur het of hoe haastig jy is nie, gaan gee elkeen van jou kinders ‘n drukkie. As dit ongewoon is in julle gesin, begin met net een drukkie vir die dag. As julle dit gereeld doen as gesin, werk sommer ‘n ekstra een by!




xxx

Ek is mal daaroor om van julle te hoor, los 'n boodskap of stuur 'n epos en vertel my hoe maklik of moeilik vandag se uitdaging vir jou was!

xxx


Geen opmerkings nie:

Plaas 'n opmerking

Ons is mal daaroor om julle idees oor artikels te lees!